Prinzenpaar 14 / 15 - Raubritter

Unser Prinzenpaar Anno 2014/2015

Hellau ehr Leid es esch soweit,
es beginnt die närrisch Fasenachtszeit.

Seit de zwäte Sitzung vum Herxemer Wind esch´s schun klar,
mehr wer´n nechschde Prinzepaar.

Ä paar Dach speeter in de Ohrensfelsstroß driwe,
hämmer ach gleich de Vertrach unnerschriwwe.

De Richi war do mit ämme Fetze Papier,
da war dann Fakt, ´sPrinzepaar sin wir.

Mehr hän gedenkt es esch noch soviel Zeit,
un schneller als mehr geguckt hän, war´s auch schun soweit.

Jetzt steh ma do un machen änner druff,
Ehr machen ach mit, un stehn ach ämol uff.

Dien singe, schungle un lache,
un fröhlich bei de Sitzunge mitmache.

De Klaus esch bekannt wie en alde Hund,
ich mähn, er treibts jo manchmol ganz schä bunt.

Mei Dettel häb ich in Herxe drunne gfunne,
un häb se dann üwer Offebach mit uff Frankweiler genumme.

Mittlerweile helft se uns in de Bütt, es grüßen Euch

Bernadette die Erste unn Klaus de Dritt.